Wednesday, August 13, 2014
:: අරුම::
ප්රේමය අරුමයක්මය
ලෙහි හොවා නැලවෙන
නෙත් අතර පැටලෙන
මුදු සිනහ වැපිරෙන
ප්රේමය අරුමයක්මය
උණුසුමට ගුලිවන
සත් බියෙන් අත්මිදෙන
ලොවම අතැඹුල කරන
ප්රේමය අරුමයක්මය
නෙත කැළුම වත එලන
වත සුවඳ සිත පුරන
සිත සුසුම දසත ලන
ප්රේමය අරුමයක්මය
නියත වියොවක්ම දැන
එහිම ගැලෙමින් ඇලෙන
දිවිය ඒ මත වියෙන
Wednesday, August 6, 2014
:: නො නිවි ::
සයුර මුසුවන මොහොතකට පෙර
පළල් වී උඩ බලයි
මඟ දිගට දිය කඳුරු
ගිල දැමූ නදී තෙම
වස්සානයකට මඟ හැරුණු
හීන් වැහි පොඩිත්තක් හෝ
පෙමින් විත් වෙලෙතැයි
පළල් වී උඩ බලයි
මඟ දිගට දිය කඳුරු
ගිල දැමූ නදී තෙම
වස්සානයකට මඟ හැරුණු
හීන් වැහි පොඩිත්තක් හෝ
පෙමින් විත් වෙලෙතැයි
නන්ද කුමාර වස්තුව ...! (2)
නන්දය..!
පෙමෙහි තව වෙසක් ඇත
ගඟක් සේ ගලනු රිසි
හිමි කරගනු නොරිසි
කොටු කරගනු ඇවැති
පෙමින් පමණක්ම සරි
පෙමෙහි තව වෙසක් ඇත
නන්දය..!
ගඟ දිය එසේ යැයි
දිස්වුවද මතු පිටින්
ගං දියට හෑරුණු
ගඟ පතුල හඳුනයි
ගඟ විඳින මහා දුක
නන්දය...!
ඒ පෙමද එලෙසමය
ගඟ පතුල දියමෙන්
මනස කළඹා ලාය
ගඟ මුදුන වත මෙන්
ලොවම රවටා ලාය
එහෙයින්ම...!
උදාසන ගඟ දියෙහි
දකින පිළිඹිබු මෙන්
මාන වළා මඟහැර
ප්රේමයේ මුල සොයා
නසා කටයුතුමය
ඉඳින්..!
බලව අර පඬුපුල
ශක්රයා නොරඳන
නන්ද කුමාර වස්තුව ...! (1)
http://wasnthayeaga.blogspot.com/2013/07/blog-post.html
Subscribe to:
Posts (Atom)