Sunday, August 25, 2013

ඔවුහු....!


 
 
 
 
 
 
 
නොහඬව
ශෝක නොකරව
ස්ත්‍රී වර්ගයා එසේමය

සැනෙන් තුටුවෙති
දමා පැනයති
යලිත් දිව එති

අඩුම තරමින්
හාද්දක වගක්වත්
කියා දිව යති

ශේෂ දුකකුත්
මහා මෙරක් කොට
දොඩා ලියවති

Friday, August 2, 2013

ඔබේ කවුරුත් නොවුණු පවට....!
















හාංදුනේ අපි..!
කර මතින්ම ඉහලාගෙන
උදේ රැයින් ගහපු කතිර
ලක්ස ගණන් දීපු වගට
කෙලෙහිගුණේ ඇති කියලයි
දවස් ගණන් මාස ගණන්
මේ ගිනි දිය බිබී උන්නෙ
හාවක් හූවක් නැතිවම

සමාවෙන්න ගැත්තන් හට
දෙවියන් වග සිහි නොවුණට
කාසි මිසක වෙන පඬුරක්
නැතිව දැකුම් ඉල්ලුවාට
දේව අණින් තැනුන දෙයම
නසනැයි යුක්තිය පැතුවට

හාංදුනේ අපි..!
සිහි කෙරුවේ ඔබ මහිමය
ඇඟ දාගෙන ගලන වතුර
අසාධාරණැයි සිතමින
යුක්තියටම කැපවුණ ඔබ
කැමරාගෙන පෑනුත් ගෙන
අපේ පසින් හිඳ ගනිතැයි

සමාවෙන්න ගැත්තන් හට
වරුගාණක් පැයගානක්
එයාටයිම් වෙන්කෙරුමට
පිටු ගාණක් මුල් හෙඩිමක්
කඩදහි කොල වියදන්නට
අප වටිතැයි අප සිතුවට
අපෙ ජීවිත අපිට මිසක
වෙළදපොලක නොවටින බව
මොලගෙඩියට නොදැනුනාට

හාංදුනේ අපි..!
සාර දුකක් උහුලාගෙන
මාස ගණන් දුක්විඳගෙන
හැම තැනටම ගාටාගෙන
බැරිම තැනයි මඟට බැස්සෙ
වතුර පොදක් ඉල්ලාගෙන

සමාවෙන්න ගැත්තන් හට
සුව නින්දට මඳි වුණාට
ඩා බිඳුවක් මඟ හැලුනට
රෑ බත් ටික ඇල් වුණාට
රති කෙලියට පහු වුණාට