Thursday, December 26, 2013

:: සුනාමි මතක ::












සිඳු පතුල සැඟව ගිය
වැලි අතර පැතිර ගිය
රළ මතින් නැඟී එන
අඳෝනා මැකී නැත

කටු කම්බි ඇණී ගිය
මුල් වැදී ඉරී ගිය
දුවද්දී තැලී ගිය
සිත් තවම ඔද්දල්ය

එකුන් දස වස වුවද
අද මෙන්ම මතක ඇත
ගිය උන්ද හිඳි උන්ද
තලා ලූ මහ දියඹ

පහන් පූජා නැතිය
සෙත් කවිත් අද නැතිය
කාලයේ සුනාමිය
වසා ඇත ඒ මතක

මුල් කඩා වීසි කොට
පැතුම් මත රෝපිත
ටකරමින් සෙවණ ලද
පාවෙනා ජීවිත

ගිය උන්ද හිඳි උන්ද
දයාවෙන් සිහි කරමි
දසවසක් වෙද්දිවත්
නිදුක් වේ වැයි පතමි.

Saturday, December 7, 2013

:: ඒ බරැති සිහිල් පුර ::














මට සිලිටු මහවැලිය
වරදකාරී විරහවක් ගෙන
නෙත් කෙවෙනි තදකරන

මහ විසල් හන්තාන
ආඩම්බර සැහැල්ලුවෙන්
කෙස් අගිස් අවුස්සන

නාය ගිය පැණිදෙනිය
වැටුණු ගල් කුලෙක හිඳ
තෙලොව දිනනට අසන

මහා ලොකු මහනුවර
තෙතැති බර හුස්මකින්
හදෙහි පිටු කළු මදින